Fræðsla

Rakaskemmdir og mygla í húsnæði

Hér er að finna fræðsluefni um raka og myglu:

 

Fræðsla um vatnstjón 

Milljarða eignatjón, óþægindi og jafnvel heilsutjón verður vegna vatnsleka, raka og myglu á íslenskum heimilum ár hvert. Sumt af því bæta tryggingafélögin. Annað sitja heimilin uppi með.

Hér fyrir neðan má finna bækling sem gefinn er út af samstarfshóp um varnir gegn vatnstjóni sem  var stofnaður í lok árs 2013. Aðilar að honum eru:
Félag dúklagninga- og veggfóðrarameistara, Félag pípulagningameistara, IÐAN fræðslusetur, Mannvirkjastofnun, Múrarameistarafélag Reykjavíkur, Nýsköpunarmiðstöð Íslands, Samtök um loftgæði, Sjóvá-Almennar tryggingar hf., TM hf., VÍS hf. og Vörður tryggingar hf.

Verjumst vatnstjóni

Algild hönnun

Skv. lögum um mannvirki nr. 160/2010 fer Mannvirkjastofnun með aðgengismál og þar með ferlimál fatlaðra í byggingum. Stefna stjórnvalda er að tryggja aðgengi fyrir alla í sem flestum byggingum. Með aðgengi fyrir alla er átt við að fólki sé ekki mismunað um aðgengi og almenna notkun mannvirkja á grundvelli fötlunar, skerðinga eða veikinda og það geti með öruggum hætti komist inn og út úr mannvirkjum jafnvel við óvenjulegar aðstæður eins og til dæmis í eldsvoða. Jafnframt séu sjónarmið algildrar hönnunar höfð að leiðarljósi við hönnun bygginga og umhverfis þeirra.

Handbókin "Aðgengi fyrir alla" sem byggð er á byggingarreglugerð nr. 160/1998, er gefin út af Nýsköpunarmiðstöð Íslands. Hægt er að nálgast handbókina í hlekkinum hér að neðan en Mannvirkjastofnun vill ítreka að margt í bókinni stenst ekki kröfur núgildandi byggingarreglugerðar.

Aðgengi fyrir alla

Byggingarúrgangur

Í 15. hluta byggingarreglugerðar er fjallað um mengun frá mannvirkum og meðhöndlun byggingar- og niðurrifsúrgangs.
Samkvæmt gr. 15.2.2 skal eigandi skila til byggingarfulltrúa áætlun um meðhöndlun byggingar- og niðurrifsúrgangs þar sem fram koma upplýsingar um skipulagningu, skráningu, flokkun, endurnýtingu og förgun.
Eigandi eða fulltrúi hans (hönnunarstjóri eða byggingarstjóri) skila áætluninni í Byggingargátt Mannvirkjastofnunar. Leiðbeiningarblað Mannvirkjastofnunar er að finna hér.
Grænni byggð kom að gerð leiðbeininganna ásamt Mannvirkjastofnun og verkfræðistofurnar VSÍ, Verkís og Efla komu að undirbúningi. Hér að neðan má nálgast eyðublað til útfyllingar ásamt skýrslum verkfræðistofanna.

  • Eyðublað fyrir áætlun um meðhöndlun á byggingar- og niðurrifsúrgangi
  • VSÓ – Leiðbeiningar um meðhöndlun byggingarúrgangs
  • EFLA – Kortlagning byggingarúrgangs
  • Verkís – Hættuleg efni í byggingar- og niðurrifsúrgangi
  • Til baka