Orkunotkun vara

Kröfur Evrópska efnahagssvæðisins

Mörg heimilistæki og vörur nota orku eða hafa áhrif á orkunotkun án þess að nýta orkuna beint. Það eru ákveðnar reglur um visthönnun og orkumerkingar þeirra en þessar vörur hafa mikil áhrif á orkunotkun heimila. Margar af þessum vörum heyra undir tilskipanir og reglugerðir sem stuðla að orkunýtni. Tvær tilskipanir Evrópusambandsins setja fram kröfur um visthönnun orkutengdra vara og orkumerkingar á þessar vörur.

 

Orkumerkingar stuðla að okunýtni

Orkumerktar vörur í ríkjum Evrópu eru til dæmis “hvítvörur” og ljósaperur. "Hvítvörur" eru m.a. kælitæki, með og án frystis, uppþvottavélar og þurrkarar. Tilgangurinn með að orkumerkja vörur er að gera orkunýtingu vörunnar sjónræna og gera neytendum kleift að taka upplýsta ákvörðun um hvaða vara notar minnsta orku.

Kröfur um visthönnun orkutengdra vara setur takmarkanir á orkunotkun þeirra á innri markaði Evrópska efnahagssvæðisins. Reglugerðir um visthönnun geta einnig sett fram kröfur um hámarks áhrif á umhverfið eins og t.d. kröfur um hljóðstyrk.

Mannvirkjastofnun hefur umsjón með að lögum og reglugerðum um visthönnun orkutengdra vara og orkumerkinga sé framfylgt.

Til baka