21.03 2014

Breyting á byggingarreglugerð

Breyting á byggingarreglugerð, nr.112/2012, var undirrituð af umhverfisráðherra þann 19. mars síðast liðinn og hefur verið auglýst í Stjórnartíðindum. Þetta er þriðja breytingin sem gerð er á reglugerðinni.

Í breytingunni felst m.a. að felldar eru niður kröfur um stærðir einstakra rýma í íbúðum, s.s. eldhúsa, íbúðarherbergja, baðherbergja og þvottaherbergja, en í stað þess sett inn markmiðsákvæði, sem veita ákveðið svigrúm við útfærslu hönnunar. Einnig er dregið úr ýmsum kröfum, t.d. varðandi lágmarksstærð snúningssvæða fyrir hjólastóla, lágmarksbreidd gönguleiða að byggingum, lágmarksbreidd og -hæð dyra og um lágmarksfjölda bílastæða fyrir hreyfihamlaða við íbúðarhúsnæði.

Á heimasíðu umhverfis- og auðlindaráðuneytisins má nálgast yfirlit yfir helstu breytingar: http://www.umhverfisraduneyti.is/frettir/nr/2559

Reglugerðarbreytinguna má nálgast á vef Stjórnartíðinda hér: http://stjornartidindi.is/Advert.aspx?ID=ad132809-0051-4e8c-8868-352214ad4c01

Á næstu dögum verður uppfærð útgáfa af byggingarreglugerð nr. 112/2012 með áorðnum breytingum birt á vef Mannvirkjastofnunar.