Frétt

04.05 2018

Ný brunavarnaáætlun Slökkviliðs höfuðborgarsvæðisins

Ný brunavarnaáætlun Slökkviliðs höfuðborgarsvæðisins

Í dag var þeim tímamótum fagnað í sögu Slökkviliðs höfuðborgarsvæðisins (SHS) að stjórn SHS, Björn Karlsson, forstjóri Mannvirkjastofnunar og Jón Viðar Matthíasson, slökkviliðsstjóri höfuðborgarsvæðisins undirrituðu nýja brunavarnaáætlun fyrir höfuðborgarsvæðið. Samtímis var samningur um kaup á fjórum nýjum slökkvibifreiðum sem koma til landsins á næsta ári undirritaður.  Af þessu tilefni var boðað til blaðamannafundar í bílasalnum í Skógarhlíðinni og boðið upp á kaffi, konfekt og kleinur. Bæði gamlir og nýir starfsmenn slökkviliðsins mættu á staðinn til að fagna, en lengi hefur verið beðið eftir nýju bílunum því veruleg þörf var orðin fyrir endurnýjun. Á myndinni eru fv. Guðný Ívarsdóttir sveitarstjóri Kjósahrepps, Ármann Kr. Ólafsson bæjarstjóri Kópavogs, Haraldur Sverrisson bæjarstjóri Mosfellsbæjar, Jón Viðar Matthíasson slökkviliðsstjóri, Dagur B. Eggertsson borgarstjóri, Björn Karlsson forstjóri Mannvirkjastofnunar, Gunnar Einarsson bæjarstjóri Garðabæjar, Haraldur L. Haraldsson bæjarstjóri Hafnarfjarðar og Ásgerður Halldórsdóttir bæjarstjóri Seltjarnarnesbæjar. 


Til baka