21.05 2019

Skoðun á orkumerkingum sjónvarpstækja

Skoðun á orkumerkingum sjónvarpstækja

Mannvirkjastofnun lét framkvæma skoðun á ástandi orkumerkinga nokkurra gerða af sjónvörpum. Skoðanir voru framkvæmdar af Frumherja hf. sem er faggilt skoðunarstofa. 

Í skoðuninni var ástand orkumerkinga 256 sjónvarpa af mismunandi gerð, skoðað. Einungis 75,78% tækjanna reyndust hafa fullnægjandi orkumerkingar, í 5,47% tilfella þóttu merkingarnar ekki fullnægjandi. Í 18,75% tilfellum vantaði nauðsynlegar orkumerkingar. 

Til samanburðar lét Mannvirkjastofnun framkvæma sambærilega skoðun í mars 2018 á orkumerkingum sjónvarpa hjá sömu söluaðilum. Kom í ljós að 65% tækja höfðu réttar og rétt staðsettar orkumerkingar og 4% tilfella voru þær ófullnægjandi. Í 31% tilfella vantaði nauðsynlegar orkumerkingar. 

Þrátt fyrir að söluaðilar hafi bætt sig á milli þessara tveggja skoðana þá eru þessar niðurstöður langt frá því að vera viðunandi.

Hér má nálgast niðurstöður markaðskannana Mannvirkjastofnunar vegna orkumerkinga